07242021
Last updateசெ, 20 ஜூலை 2021 1pm

அடிக்கின்ற சுத்தியல்

உருண்டோடின கணங்கள்

புறத்திலிருந்து

அகத்துக்குள்

குளிர் அருவியாய்

பாய்ந்தோடின சொற்கள்

மாற்றுமொழியின்றி

இரவல் மொழியில்

களமாடிய தோழனே

இருளினின்றும் நீங்கி

விடிகின்ற பொழுதின்

பூபாள ராகம்

செவிப் புலன்வழி

பாய்ந்தது.

 

வீழ்ந்தவர் பலரே

வீழ்த்தியோர்

வினையினித் தொடரா

விடிவினினை நோக்கிய

பாதைகள் வகுப்போம்

விடுதலையணியினில் நடப்போம்

அடங்காதிருப்போம்.

 

தத்துவம் எனும் தீயில்

இரும்பு தகததத்தாலும்

சுத்தியல் அடியில் படுகின்ற போதுதான்

கத்தியின் கூர்மை உருமாற்றடையும்

அடிக்கின்ற சுத்தியல் நமக்கு

அனுபவ விமர்சன ஆசான்

பட்டறையிட்டு செதுக்குவோம் நம்மை

பாட்டாளி வர்க்க பாட்டொன்றிசைக்க

பல மொழியுண்டு இசையுண்டு

பாடுவோம் வா நீ


கட்டுரையாளர்களின் ஆக்கங்கள்