பறக்கும் சாம்பல் எடுத்துதறி ஏற்றப்படுகிறது

இடித்துநொருக்கப்பட்ட நினைவுத் துயிலறைகளில்

எழுப்பப்பட்ட இராணுவமுகாக்களில் கொடிகள் கறுத்துப்போய்

பறக்கும் சாம்பல் மூட எடுத்துதறி ஏற்றப்படுகிறது

உழைப்பவன் பாடலும் கதிர்தள்ளிக் கலகலக்கும் நெற்கதிரும்

விழைந்து திழைத்தநிலம்  - ஏக்கத்துள்

இரைகின்ற இராணுவ தொடரணிகள் – படைபெருக்கி

பசும்தரைகள் காக்கிசட்டைகளால் நிரப்பிய படியே

மனித உரிமைக்காய் செங்கொடிகள் உயர்கிறதாவென

பறக்கும் கொடியில் சிங்கம் பாயத்தயாராகவே இருக்கிறது

நாளைப்பொழுதும் நயவஞ்சகத்து நகர்வாய்

வேளையிதுவாய் – வெற்றுறுதி தேசப்பற்றாய் காலைவருடும்…

கறுப்புக்கொடி உயர்த்தி மதிலெலாம் எதிர்த்தெழுதி

சுதந்திரத்தார் கேட்டைசொன்னவரோ – மகிந்தரின் கோட்டைக்குள்

சிங்கக்கொடியுயர்த்தி ஆனந்த சுதந்திரம் அடைந்தனர் போ….

மக்கள் மட்டுமே உறுதியாகச் சொல்கிறார்கள்

தாங்கள் சுதந்திரத்தாரை இதுவரை காணவில்லையென்று……….