06182021வெ
Last updateவெ, 18 ஜூன் 2021 3pm

வசந்தத்தின் இடி முழக்கம்

 

இடி முழக்கங்கள்

இல்லாதது போல்
தோன்றும் காலமிது
..
வசந்தங்களின் வழியிழந்து
விடியலின் பூபாளங்கள் பொய்யாய்ப்
பழங்கதையாய் மெல்லப் போனதுவாய்
புரட்சியையும் தோன்றச் செய்யும்
புரட்டல்களின் காலமிது.
..
கல்கத்தாவின் வீதிகளில்
உறைந்த இரத்தத்தில்
உதிரக் கவுச்சியில்
இந்த தேசத்தின் புரட்சி
வரலாறு பொதிந்து கிடக்கிறது.
..
முதலாளித்துவம்
மார்க்கண்டேயவரம்
பெற்றதாய்
மறுபடியும் மறுபடியும்
உச்சாடனங்கள்!
..
நெரிக்கப்பட்ட குரல் வளைகளிலிருந்து
எழும்பிக் கொண்டிருக்கின்றன
சொற்கள் - இந்த முறை
வசந்தம் வந்தே தீரும்.
..