Print
Category: புதிய ஜனநாயக மக்கள் முன்னணி
Hits: 1134

இருபத்துநான்கு மணிநேரமும்

இயந்திரத்துடன்

தொழிலாளரும் இயங்கிக்கொண்டிருக்கிறார்கள்

இன்னம் வேகத்தை அதிகரிக்குமாறு

நிர்வாகம்

அழுத்தம் கொடுக்கிறது

முடியாதென

மூச்சுவிட்டால் வேலைபறிபோகலாம்

 

 

எட்டு மணிநேரமென்பது

ஏட்டில் வரையப்பட்டிருக்கிறது

பன்னிரண்டு மணித்தியாலம்

இரண்டு சுற்றுக்களென்பது

படுலாபகரமானதாய் கணிக்கப்படுகிறது

உழுகிறமாட்டை

மாத்திப் பூட்டினால் நேரமினக்கேடாம்

 

வழிகிற வியர்வையை

துடைத்தால்

ஓடிக்கொண்டிருக்கும் விசைக்கு

ஈடுகொடுக்கமுடியாமல்

கைகள் தவறிவிடும்

தயாரிப்புகள் குவிந்துவிடும,;

அருகிருந்த சகதொழிலாளியிடம்

மேதினம் வருகிறதே என்றபோது

முதலாளிகட்கும் தரகர்கட்குமானதாய்

மாறிவிட்டதென்றபடி,

சிக்காக்கோவின் வீச்சு

கண்களில் பிளம்பாய் கொதித்தது!

 

-சுஜீவன்